Հատուկ ծառայությունները գիտեն, թե ովքեր են Ռուսաստանի դեմ ահաբեկչական գործողությունների կազմակերպիչները եւ ամեն ինչ կանեն նրանց պատժելու համար։ Այս մասին ռուսական լրատվամիջոցներին հայտնել է Ռուսաստանի Անվտանգության դաշնային ծառայության տնօրեն Ալեքսանդր Բորտնիկովը։

«Կան նրանք, ովքեր գնացել են, ստեղծել են մարտական ​​ստորաբաժանումներ։ Կան նրանք, ովքեր պատրաստվում էին դա անել։ Դրանով ակտիվորեն զբաղվում են բոլոր ուժային կառույցներն ու հատուկ ծառայությունները։ Սակայն, ինչպես նախագահն ասաց, անուններով։ Մենք գիտենք, թե ով է մեր տարածքում (ահաբեկչական) գործողությունների նախապատրաստման և անցկացման կազմակերպիչը»,- ասել է Բորտնիկովը։

Բորտնիկովի խոսքով՝ ամեն ինչ արվում է հանցագործներին ձերբակալելու և պատժելու համար։ Ինչպես նշել է նա, աշխատանքների զգալի մասն այժմ իրականացվում է։

«Մենք տեսնում ենք այն խնդիրները, որոնք կան՝ հաշվի առնելով Ուկրաինայում տեղի ունեցող իրադարձությունները։ Հնարավոր չէ անհանգստություն չառաջացնել»,- ասել է Ֆէ Էս Բե-ի ղեկավարը։