Ռուսական օկուպացիոն ուժերի ներկայացուցիչները Քարելիի մունիցիպալիտետի Դվանի գյուղի հարակից օկուպացված տարածքում անօրինական սահմանազատում են իրականացրել, որի շրջանակներում ապօրինի տեղադրվել են մետաղյա սյուներ և փշալարեր,- այս մասին տեղեկություն է հայտնում Պետական ​​անվտանգության ծառայությունը։

«Նշված փաստի առնչությամբ ակտիվացել է թեժ գիծը, և Եվրամիության դիտորդական առաքելությունը և Ժնևյան բանակցությունների համանախագահները տեղեկացվել են անօրինական գործընթացի մասին։

Օկուպացիոն ուժերի անօրինական գործունեության յուրաքանչյուր դեպք, այդ թվում՝ ապօրինի սահմանազատումը, Վրաստանի կենտրոնական իշխանության և մեր միջազգային գործընկերների սուր արձագանքի առարկան է։

Խնդիրը սուր կերպով կբարձրացվի Էրգնեթիի միջադեպերի կանխարգելման և արձագանքման մեխանիզմի հանդիպման շրջանակներում, ինչպես նաև Ժնևում կայանալիք միջազգային բանակցությունների ժամանակ։

Գործընթացի ողջ պատասխանատվությունը կրում է օկուպացիոն ուժը»,- նշված է ՊԱԾ-ի տեղեկատվության մեջ։