Անցած գիշեր ռուսական օկուպացիոն ուժերը բալիստիկ և թեւավոր հրթիռներով, ինչպես նաև անօդաչու թռչող սարքերով հարձակվել են Ուկրաինայի վրա։ Օդեսայի շրջանը երեք ժամ շարունակ ռմբակոծվել է ռուս զինվորականների կողմից։

Օդեսայի մարզում ռուսական հարձակման հետևանքով մեկ մարդ է զոհվել, վնասվել են բնակելի շենքեր, նավահանգստային օբյեկտներ և գյուղատնտեսական ենթակառուցվածքներ։

Ուկրաինայի դեմ հարձակմանը մասնակցել է Ռուսաստանի ռազմավարական ավիացիան:

Ռուսական ռազմական ինքնաթիռները թեւավոր հրթիռներ են արձակել Ուկրաինայի մայրաքաղաք Կիևի ուղղությամբ։ Ուկրաինայի հակաօդային պաշտպանության ուժերը կարողացել են չեզոքացնել բոլոր հրթիռները։

Միաժամանակ, ըստ Ուկրաինայի բանակի գլխավոր շտաբի տեղեկատվության, ուկրաինական բանակը որոշակի հաջողություններ ունի Զապոռոժյեի շրջանում։

Ուկրաինայի պաշտպանության ուժերը շարունակում են հարձակողական գործողությունները Բախմուտի և Մելիտոպոլի ուղղությամբ։