Ռուսական կողմը հաստատում է Վաշինգտոնի կողմից սպասվող ահաբեկչության նախապատրաստման մասին տեղեկատվության փոխանցումը։ Այս մասին հայտնում է «Տասի» գործակալությունը՝ հենվելով հատուկ ծառայությունների վրա։

Ինչպես գրում է գործակալությունը, հատուկ ծառայության հայտարարության համաձայն , «նման տեղեկություն ստացել են , թեպետ առանց որևէ կոնկրետացման , այն ընդհանուր բնույթի էր»։

Վերջերս Սպիտակ տան ազգային անվտանգության հարցերով մամուլի քարտուղար Ադրիեն Ուոթսոնը սոցցանցում գրել էր, որ «այս ամսվա սկզբին ԱՄՆ կառավարությունը տեղեկություն է ստացել Մոսկվայում ծրագրված ահաբեկչության մասին, որը կարող է թիրախավորել մեծ հավաքույթները, այդ թվում՝ համերգները, ինչը դրդել է որ Պետդեպարտամենտը հրապարակային նախազգուշացում կատարի Ռուսաստանում գտնվող ամերիկացիներին. ԱՄՆ կառավարությունը նույնպես այս տեղեկությունը կիսել է Ռուսաստանի իշխանություններին, ինչպես պահանջում է «նախազգուշացնելու պարտավորությունը» քաղաքականությունը։

Միաժամանակ ԱՄՆ-ի և Մեծ Բրիտանիայի դեսպանատները մարտի սկզբին զգուշացրել են իրենց քաղաքացիներին Մոսկվայում հնարավոր ահաբեկչությունների մասին և հորդորել հեռանալ Ռուսաստանից։ Մարտի 8-ին ԱՄՆ դեսպանատան հայտարարության մեջ ասվում է, որ «դեսպանատունը վերահսկում է այն հաղորդումները, որ ծայրահեղականները ծրագրում են հարձակումներ Մոսկվայում խոշոր հավաքների, մասնավորապես համերգների վրա, և քաղաքացիներին խորհուրդ է տալիս առաջիկա 48 ժամվա ընթացքում խուսափել մեծ հավաքներից»:

Տեղեկության համար՝ Մոսկվայի «Կրոկուս Սիթի Հոլում» գիշերային հարձակման հետևանքով զոհերի թիվը հասել է 93-ի, 121 մարդ վիրավորվել է։

Մի քանի զինված անձինք ներխուժել են Մոսկվայի «Կրոկուս Սիթի Հոլում» և կրակ բացել համերգի մասնակիցների վրա։ Ռուսաստանի արտաքին գործերի նախարարությունը «Կրոկուս Սիթի Հոլում»-ի վրա կատարված հարձակումը գնահատել է որպես ահաբեկչություն։