Ռումինիան վճռականորեն աջակցում է Ուկրաինայի, Մոլդովայի և Վրաստանի եվրաինտեգրմանը,- հայտարարել է Ռումինիայի նախագահ Կլաուս Յոհաննեսը Ֆրանսիայի նախագահ Էմանուել Մակրոնի հետ Կոնստանցայում կայացած համատեղ մամուլի ասուլիսում։

«Ինչ վերաբերում է Ուկրաինայի, Մոլդովայի Հանրապետության և Վրաստանի՝ Եվրամիությանն անդամակցելու հայտարարություններին, մենք ընդգծում ենք, որ մենք վճռականորեն աջակցում ենք այդ երկրների եվրաինտեգրմանը։ Ռումինիայի տեսանկյունից այս երեք ասպիրանտները պետք է օգտվեն բարեփոխումների գործընթացի օպտիմալ կառուցվածքից և միասնական մոտեցումից՝ իրենց արժանիքներին և բարեփոխումների գործընթացում գրանցված առաջընթացին համապատասխան», – ասաց Յոհաննեսը:

Կլաուս Յոհաննեսի խոսքով, Ռումինիան կարծում է, որ երեք երկրներին թեկնածուի կարգավիճակ շնորհելը պետք է արվի հնարավորինս արագ։ Ռումինիայի նախագահը սա համարում է բարոյական, տնտեսական և անվտանգության տեսակետից ճիշտ որոշում։

«Հարցը բազմիցս քննարկվել է, և սպասվում է, որ մինչև այս ամսվա վերջ մենք որոշում կունենանք։ Ես կարող եմ խոսել իմ և Ռումինիայի անունից. Իմ կարծիքով, թեկնածուի կարգավիճակը պետք է հնարավորինս շուտ շնորհվի», – ասել է Ռումինիայի նախագահը` հավելելով. «Մենք կփորձենք գտնել գործունակ և կայուն լուծում»: