Ռումբի սպառնալիքի պատճառով Էյֆելյան աշտարակից տարհանվել են քաղաքացիները

17:10, 12.08.2023

Ֆրանսիական ոստիկանության տվյալներով՝ Փարիզի Էյֆելյան աշտարակից քաղաքացիներին տարհանել են ռումբի առկայության սպառնալիքի պատճառով։ Այս մասին հայտնում է Reuters-ը։

«Քանի որ քաղաքացիներին տարհանել են ռումբի առկայության սպառնալիքի պատճառով, Էյֆելյան աշտարակը փակ է հանրության համար»,- հայտնել են Ֆրանսիայի ոստիկանությունից։

Բացի այդ, ըստ ֆրանսիական լրատվամիջոցների, հյուրերը տարհանվել են բոլոր երեք հարկերից, ինչպես նաև Էյֆելյան աշտարակի հարակից տարածքից։ Տարհանվել է նաև հարկերից մեկի ռեստորանը։

Միջադեպի վերաբերյալ այլ մանրամասներ դեռևս հայտնի չեն։

Հեղինակ - edgar barsegyan

Միջազգային