Ռուսաստանի նախագահ Վլադիմիր Պուտինը պատրաստ է Ուկրաինայում պատերազմին վերջ դնել ՝ բանակցել հրադադարի շուրջ, որը կճանաչի ներկայիս մարտական ​​սահմանները: Կիևի և Արևմուտքի մերժման դեպքում նա նա կշարունակի պայքարը։ Այս մասին գրում է Ռոյթերս գործակալությունը՝ հենվելով չորս անանուն ռուսական աղբյուրների վրա։

Ըստ Ռոյթերսի՝ Պուտինի շրջապատում ընթացող քննարկումներին ծանոթ երեք աղբյուրներ ասել են, որ Պուտինն իր վրդովմունքն է հայտնել խորհրդականների փոքր խմբի նկատմամբ՝ բանակցությունները տապալելու Արևմուտքի կողմից աջակցվող ջանքերի առնչությամբ: Նաև Ուկրաինայի նախագահ Վոլոդիմիր Զելենսկու որոշման մասին, որը բացառում է բանակցությունները։

«Պուտինը կարող է կռվել այնքան ժամանակ, որքան անհրաժեշտ է, բայց Պուտինը պատրաստ է նաև հրադադարի, պատերազմի սառեցման», – Ռոյթերսը մեջբերում է չորս անձանցից մեկի խոսքերը։

Ինչպես գրում է հրատարակությունը, նրանք զրուցել են հինգ բարձրաստիճան քաղաքական անձանց հետ, ովքեր ներկայումս կամ նախկինում աշխատել են Պուտինի հետ։ Ինչպես նշում է գործակալությունը, հինգերորդ անձը չի մեկնաբանել ռազմաճակատի ներկայիս գծերի ներքո պատերազմի սառեցումը։ Ըստ նույն աղբյուրների՝ Պուտինը կարծում է, որ պատերազմում առկա ձեռքբերումները բավական են ռուս ժողովրդին հաղթանակ գնելու համար։ Պուտինը հասկանում է, որ ցանկացած նոր դրամատիկ ձեռքբերում կպահանջի ևս մեկ ընդհանուր մոբիլիզացիա, որը նա չի ցանկանում։

«Պուտինը կասի, որ մենք հաղթել ենք, որ ՆԱՏՕ-ն հարձակվել է մեզ վրա, և մենք պաշտպանել ենք մեր ինքնիշխանությունը, որ մենք ունենք ցամաքային միջանցք Ղրիմի հետ, ինչը ճիշտ է», – ասել է աղբյուրներից մեկը։