Ռոյթերս. «Մեծ յոթնյակի» երկրները Ռուսաստանին կոչ են անում համաձայնել հրադադարին, հակառակ դեպքում Մոսկվային սպառնում են նոր պատժամիջոցներով
«Մեծ յոթնյակի» երկրները Ռուսաստանին կոչ են անում հետևել Ուկրաինայի օրինակին և համաձայնել հրադադարին, հակառակ դեպքում «Մեծ յոթնյակը» սպառնում է Մոսկվային նոր պատժամիջոցներով։
Այս մասին հայտնում է «Ռոյթերս»-ը։
«Մեծ յոթնյակի» երկրները կոչ են արել Ռուսաստանին գործել փոխադարձության հիման վրա՝ հավասար պայմաններով համաձայնվել հրադադարին և այն լիովին իրականացնել», – նշված է «Մեծ յոթնյակի» երկրների հայտարարությունում։
Հայտարարության մեջ շեշտվում է, որ ցանկացած հրադադարի պայմանավորվածություն պետք է պահպանվի։
«Անհրաժեշտ են ուժեղ և հուսալի անվտանգության մեխանիզմներ, որպեսզի Ուկրաինան կարողանա զսպել և պաշտպանվել ցանկացած նոր ագրեսիայից», – նշված է հայտարարության մեջ։