Պակիստան կատարած այցից հետո, Իրանի արտաքին գործերի նախարար Աբբաս Արաղչիի գլխավորած պատվիրակությունը ժամանել է Օման, հաղորդում է Ռոյթերսը հղում անելով Իրանի արտաքին գործերի նախարարության խոսնակ Էսմայիլ Բաղեիին։

Նրանց խոսքով, Արաղչին հանդիպել է ընդունող երկրի արտաքին գործերի նախարարության ներկայացուցիչների հետ Օմանի մայրաքաղաք Մուսկատում։

Էսմայիլ Բաղեիի խոսքով՝ Իրանը մեծ նշանակություն է տալիս Պարսից ծոցի երկրների հետ հարաբերություններին և շարունակում է հանձնառու մնալ փոխադարձ վստահության և կառուցողական համագործակցության ամրապնդմանը։

Նրա խոսքով՝ Օման-Իրան հարաբերությունները Թեհրանի անկեղծ ջանքերի ապացույցն են՝ հարևանների հետ հարգալից և փոխշահավետ հարաբերություններ հաստատելու համար։

Բացի այդ, լրատվամիջոցների հաղորդագրությունները ցույց են տալիս, որ Իրանի արտաքին գործերի նախարար Աբբաս Արաղչին Օման կատարած այցից հետո կվերադառնա Պակիստան, ապա կմեկնի Ռուսաստան։