«Ռոյթերս» – ԱՄՆ ռազմական հետաքննիչները կարծում են, որ ԱՄՆ ուժերն են պատասխանատու Իրանում աղջիկների դպրոցի վրա հարձակման համար
ԱՄՆ ռազմական հետաքննիչները կարծում են, որ ԱՄՆ ուժերն են պատասխանատու Իրանում աղջիկների տարրական դպրոցի վրա հարձակման համար, հաղորդում է Ռոյթերսը՝ հղում անելով երկու անանուն ամերիկացի պաշտոնյաների։
Ռոյթերսի տվյալներով՝ պաշտոնյաները ընդգծել են, որ ռազմական հետաքննիչները չեն ավարտել իրենց հետաքննությունը և չեն եկել վերջնական եզրակացության։
Շաբաթ օրը՝ ԱՄՆ-ի և Իսրայելի կողմից երկրի վրա օդային հարվածների առաջին օրը, հարված է հասցվել Իրանի հարավային Մինաբ քաղաքի աղջիկների դպրոցին։ ՄԱԿ-ում Իրանի դեսպան Ալի Բահրեյնին հայտարարել է, որ հարվածի հետևանքով զոհվել է 150 աշակերտ։