ԱՄՆ-ն պլանավորում է արագացնել Եվրոպայից իր ռազմական զորախմբի մի մասի դուրսբերումը, հաղորդում է Ռոյթերսը՝ հղում անելով գերմանական հրատարակությանը։

Ըստ լրատվամիջոցների՝ ԱՄՆ-ն հաջորդ ամիս համապատասխան առաջարկներ կներկայացնի ՆԱՏՕ-ի դաշնակիցներին։

Ըստ գերմանական թերթի՝ դեռևս հայտնի չէ, թե որքանով կարագանա այս գործընթացը և որ ռազմական բազաներին կանդրադառնան փոփոխությունները։

Պենտագոնը այս հարցի վերաբերյալ հայտարարություն չի արել։

Տեղեկատվության համար՝ Գերմանիայում ներկայումս ծառայում է մոտ 35,000 ամերիկացի զինվոր, որը Եվրոպայում ԱՄՆ ամենամեծ ռազմական զորախումբն է։ Բացի այդ, ԱՄՆ պաշտպանության նախարար Փիթ Հեգսեթի հրամանի համաձայն՝ Գերմանիայից 5,000 ամերիկացի զինվորների դուրսբերման գործընթացը կավարտվի 6-12 ամսվա ընթացքում։