Ֆրանսիան մոտ ապագայում կարող է ռազմական հրահանգիչներ ուղարկել Ուկրաինա։ Ինչպես գրում է «Reuters»-ը՝ հենվելով երեք դիվանագիտական ​​աղբյուրների վրա, հավանական է, որ Ֆրանսիայի իշխանությունները այս որոշման մասին կհայտարարեն հաջորդ շաբաթ՝ Ուկրաինայի նախագահի այցի ժամանակ։

Ըստ «Reuters»-ի՝ Ֆրանսիան հույս ունի ստեղծել և ղեկավարել երկրների կոալիցիա, որը նմանատիպ օգնություն կցուցաբերի Ուկրաինային, չնայած այն հանգամանքին, որ Եվրամիության որոշ անդամներ վախենում են Ռուսաստանի հետ հնարավոր ուղղակի հակամարտությունից։

Ինչպես գրում է Reuters-ը, Ֆրանսիան սկզբում սահմանափակ թվով անձնակազմ է ուղարկելու առաքելությունը գնահատելու համար, իսկ հետո՝ մի քանի հարյուր հրահանգիչներ։ Դասընթացը կկենտրոնանա ականազերծման, սարքավորումների պահպանման և ավիացիոն տեխնիկական գիտելիքների վրա: Ֆրանսիան նաև կֆինանսավորի, զինելու և մարզելու  Ուկրաինայի մոտոհրաձգային բրիգադը։

Ուկրաինայի նախագահ Վոլոդիմիր Զելենսկին ծրագրում է հունիսի 6-ին այցելել Ֆրանսիա՝ Նորմանդիայում դաշնակից ուժերի վայրէջքի 80-ամյակին։