Ռոտերդամի նավահանգստում տեղի ունեցած պայթյունի հետևանքով մեկ մարդ զոհվել է, ևս մի քանիսը վիրավորվել են
Ռոտերդամի նավահանգստում տեղի ունեցած պայթյունի հետևանքով մեկ մարդ զոհվել է, ևս մի քանիսը վիրավորվել են։ Միջադեպը տեղի է ունեցել տեղական ժամանակով մոտավորապես ժամը 12:00-ին «Gunvor Energy» ընկերությանը պատկանող տարածքում։
Ընկերության ներկայացուցչի խոսքով՝ պայթյունը, հավանաբար, տեղի է ունեցել վերանորոգման աշխատանքների համար խողովակաշարերի անջատման ժամանակ, ինչից հետո քաղաքի այդ շրջանում էլեկտրաէներգիան անջատվել է, իսկ տրանսֆորմատորային կայանում հրդեհ է բռնկվել։
Վիրավորները տեղափոխվել են հիվանդանոց, նրանց վիճակն անհայտ է։
Միջադեպի հետևանքով «ExxonMobil»-ի նավթավերամշակման գործարանում աշխատանքային գործընթացը դադարեցվել է։