«Ես խորապես մտահոգված եմ, որ վերջին շաբաթներին վրացական կառավարության կատարած ընտրությունները հեռու են պահել երկիրը եվրատլանտյան ապագայից, նպատակ, որին ցանկանում է հասնել վրացիների ճնշող մեծամասնությունը»,- ասում է Վրաստանում ԱՄՆ դեսպան Ռոբին Դաննիգանը , որը տարածում է դեսպանատունը։

Դաննիգանի խոսքով ցավոք, իշխող կուսակցությունը կարծես թե վճռականորեն ընդունել է մի օրենք, որն էլ ԵՄ-ն հստակ ասում է, որ այն անհամատեղելի է Վրաստանի ԵՄ ձգտումների հետ»:

«Միևնույն ժամանակ իշխող կուսակցության որոշ ներկայացուցիչներ նախընտրեցին հարձակվել Վրաստանի ինքնիշխանության ամենամեծ ջատագովների՝ ԱՄՆ-ի և Եվրամիության վրա։ Մենք կանգնեցինք Վրաստանի կողքին և բանակցում ենք այն երկրի հետ, որը զբաղեցնում է Վրաստանի տարածքի քսան տոկոսը։ Մենք աջակցել և աջակցում ենք վրաց լեզվի, մշակութային և պատմական ժառանգության պահպանմանը։

Անցած երեսուներկու տարիների ընթացքում մենք ձևավորել ենք գործընկերություն՝ հիմնված ընդհանուր արժեքների և Վրաստանը որպես արևմտյան ժողովրդավարությունների ընտանիքի անդամ տեսնելու ընդհանուր ցանկության վրա։

Վերջերս մենք Վրաստանի կառավարության բարձրաստիճան պաշտոնյաներին հրավիրեցինք ԱՄՆ բարձրաստիճան պաշտոնյաների հետ քննարկելու ռազմավարական գործընկերության և ԱՄՆ աջակցության վերաբերյալ ցանկացած հարց: Ցավոք, վրացական կողմը նախընտրեց մերժել այս հրավերը։

Մենք կոչ ենք անում Վրաստանի կառավարությանը վերահաստատել իր հավատարմությունը Վրաստանի եվրատլանտյան ապագային, ինչպես դա գրված է Վրաստանի Սահմանադրության մեջ։ Միացյալ Նահանգները հավատարիմ է մնում մեր ամուր հարաբերություններին և ցանկանում է միայն խաղաղություն, կայունություն և բարգավաճում վրաց ժողովրդի համար», – ասվում է Դանիգանի հայտարարության մեջ: