ԱՄՆ դեսպանատան Թբիլիսիի թիմի անունից ցանկանում եմ բոլոր վրացիներին մաղթել առողջ, ուրախ տոներ, ԱՄՆ դեսպանատան Թբիլիսիի թիմի անունից ցանկանում ենք բոլոր վրացիներին մաղթել երջանիկ տոներ, մենք բոլորս հպարտությամբ ենք սատարում ԱՄՆ-ի և Վրաստանի միջև համագործակցությանը,- ասված է Վրաստանում ԱՄՆ դեսպան Ռոբին Դաննիգանի ամանորյա ուղերձում:

Դեսպանի խոսքով, ԱՄՆ-ը շարունակում է աջակցել Վրաստանին։

«Դեսպանատան ամերիկացիներս շատ բախտավոր ենք, որ ապրում ենք այս գեղեցիկ երկրում։ Մենք բոլորս իսկապես բարձր ենք գնահատում Վրաստանի հարուստ մշակույթը, հյուրընկալության ավանդույթը և ամենաշատը հրաշալի ու ջերմ մարդկանց: Գալիս է նոր տարի, և ես ցանկանում եմ ևս մեկ անգամ շնորհավորել բոլոր վրացիներին այն հսկայական նվաճման համար, որին դուք այս տարի հասել եք՝ ստանալով Եվրամիության թեկնածուի կարգավիճակ։ ԱՄՆ-ը շատ հպարտ է այն աշխատանքով, որ մենք արել ենք միասին՝ աջակցելու Վրաստանին եվրաատլանտյան ինտեգրման ճանապարհին, և, իհարկե, մենք լիովին հավատարիմ ենք շարունակելու մեր աջակցությունը և էլ ավելի խորացնելու մեր առանց այն էլ ամուր ռազմավարական գործընկերությունը։ Մաղթում եմ ձեզ, ձեր ընտանիքներին և մտերիմներին սիրով և առողջությամբ լի Նոր տարի»,- ասաց դեսպանը։