Ջուանշեր Բուրճուլաձեի հետ հանդիպմանը մենք քննարկել ենք պաշտպանության և անվտանգության ոլորտում մեր ռազմավարական համագործակցության հետագա ամրապնդման ուղիները, ասել է Վրաստանում ԱՄՆ դեսպան Ռոբին Դանիգանը։

Նրա խոսքով, հանդիպմանը ևս մեկ անգամ արտահայտվել է ԱՄՆ-ի բացարձակ աջակցությունը Վրաստանի ինքնիշխանությանն ու տարածքային ամբողջականությանը։

«Ես հիանալի հանդիպում ունեցա Վրաստանի պաշտպանության նախարար Բուրճուլաձեի հետ։ Հանդիպմանը ևս մեկ անգամ հաստատեցինք ԱՄՆ-ի բացարձակ աջակցությունը մեր շատ ամուր ռազմական համագործակցությանը։ Մենք քննարկել ենք պաշտպանության և անվտանգության ոլորտում մեր ռազմավարական համագործակցության հետագա ամրապնդման ուղիները։ Մենք ևս մեկ անգամ արտահայտեցինք ԱՄՆ-ի բացարձակ աջակցությունը Վրաստանի ինքնիշխանությանն ու տարածքային ամբողջականությանը։ Մենք վաղուց այդ հարցում Վրաստանի ամենաուժեղ աջակիցներն ենք։ Նախարարի հետ հանդիպմանը ես նշեցի, որ այս ուղղությամբ շարունակելու եմ աշխատել Վրաստանի կառավարության և միջազգային գործընկերների հետ։ Մենք Վրաստանի հետ ունենք ամուր ռազմավարական համագործակցություն պաշտպանության և անվտանգության ոլորտում, և մենք ավելի կխորացնենք այդ համագործակցությունը»,- ասել է Ռոբին Դանիգանը։