Եվրախորհրդարանի նախագահ Ռոբերտա Մեցոլան երկրորդ ժամկետով ընտրվելուց հետո դիմել է խորհրդարանի անդամներին։

Նա խոսեց միասնության, միության ընդլայնման անհրաժեշտության մասին և այս համատեքստում հիշատակեց նաև Վրաստանը։

«Հարգելի գործընկերներ, եվրոպացիներ, շնորհակալություն ձեր ընտրության համար։ Ես ամեն օր աշխատելու եմ՝ արդարացնելու ձեր և խորհրդարանի ակնկալիքները։ Մենք պետք է միասին կանգնենք հույսի քաղաքականության և երազանքի համար, որը Եվրոպան է։ Մենք պատրաստվում ենք Եվրամիության ընդլայնմանը, մարդիկ մեզ են նայում Ուկրաինայում, Մոլդովայում, Վրաստանում և Արևմտյան Բալկաններում, որոնք մենք երկար ժամանակ հրաժարվել ենք առաջ տանել։ Մենք պետք է պատրաստ լինենք Եվրոպայի ձեռքը մեկնելու նրանց, քանի որ յուրաքանչյուրն իր ուղին է գնում՝ հիմնվելով անհրաժեշտ չափանիշներին համապատասխան արժանիքների վրա: Մենք պետք է պատրաստ լինենք նոր աշխարհին ու իրականությանը»,- ասել է Ռոբերտա Մեցոլան։

Ռոբերտա Մեցոլան վերջերս երկրորդ ժամկետով ընտրվեց Եվրախորհրդարանի նախագահ։