Ողջունելի է այն ճանապարհը, որն ընտրել է Վրաստանը. Եվրախորհրդարանը միշտ հստակ է եղել և հստակ է Վրաստանի հեռանկարի վերաբերյալ, ասել է Եվրախորհրդարանի նախագահ Ռոբերտա Մեցոլան։

Նրա խոսքով՝ դուռը պետք է լայն բաց լինի բոլոր երկրների համար, որոնք Եվրոպային նայում են որպես իրենց տուն։

«Առաջին հերթին ողջունելի է այն ճանապարհը, որն ընտրել է Վրաստանը։ Եվրախորհրդարանը միշտ էլ շատ հստակ է արտահայտվել և հստակ է ձեր երկրի հեռանկարի մասին։ Ես շարունակում եմ խոսել ձեր պետական ​​պաշտոնյաների հետ՝ համոզվելու համար, որ դուք հետևում եք առաջարկություններին: Կարծում եմ՝ դուռը պետք է լայն բաց լինի բոլոր երկրների համար, որոնք Եվրոպային նայում են որպես իրենց տուն: Սա իմ դիրքորոշումն է նաև ձեր երկրի նկատմամբ»,- վրացի լրագրողների հետ զրույցում ասաց Ռոբերտա Մեցոլան։

Տեղեկության համար՝ Վրաստանի խորհրդարանական պատվիրակությունը գտնվում է Ստրասբուրգում, որտեղ հանդիպումներ է անցկացնում եվրոպացի խորհրդարանականների հետ։