Սլովակիայի վարչապետ Ռոբերտ Ֆիցոն հայտարարել է, որ «Դրուժբա» խողովակաշարի բացումը իր կառավարության, Հունգարիայի վարչապետ Վիկտոր Օրբանի կառավարության, Եվրոպական հանձնաժողովի և «Տրանսպետրոլ» ընկերության համատեղ ջանքերի արդյունքն է։

«Այսօր Սլովակիայում վերսկսվել են «Դրուժբա» խողովակաշարով նավթի մատակարարումները։ Ես նաև կցանկանայի շնորհակալություն հայտնել Եվրոպական հանձնաժողովի ներկայացուցիչներին, քանի որ հանձնաժողովի նախագահի հետ իմ հանդիպումների ժամանակ ես տեսա նրա շահագրգռվածությունը խողովակաշարային հոսքի վերսկսման հարցում, քանի որ այս հարցը կապված է Կենտրոնական Եվրոպայի էներգետիկ անվտանգության հետ։ «Դրուժբա» խողովակաշարն օգտագործվել է որպես աշխարհաքաղաքական պայքարի զենք», – ասել է Ռոբերտ Ֆիցոն։

Բացի այդ, Ֆիցոն ասել է, որ Սլովակիան դեմ է Ուկրաինային 90 միլիարդ եվրոյի վարկի փոխանցմանը և չի մասնակցի դրան, ինչպես նաև Հունգարիան և Չեխիան։

«Սա պատերազմական վարկ է։ Ես չեմ ուզում մասնակցել այս գործընթացին», – ասել է Սլովակիայի վարչապետը։