«Ազատություն» ռադիոկայանի եվրոպական բյուրոյի խմբագիր Ռիկարդ Յոզվիակը գրում է, որ Եվրամիության  արտաքին գործերի նախարարներն այսօր քննարկել են Վրաստանի հարցը, սակայն պատժամիջոցների վերաբերյալ որևէ քայլ չեն ձեռնարկել։

Նրա խոսքով՝ Եվրամիությունը կոչ է անում Վրաստանին անել առաջին քայլը։

«Եվրամիության արտաքին գործերի նախարարներն այսօր քննարկել են Վրաստանի հարցը։ Սենյակում պատժամիջոցների վերաբերյալ որևէ քայլ չի ձեռնարկվել։ Եվրամիությունը կոչ է անում Վրաստանին անել առաջին քայլը մարդու իրավունքների շուրջ երկխոսության ուղղությամբ։ Հետագա գործողությունների համար Վրաստանը պետք է. դադարեցնի Եվրամիության դեմ ագրեսիվ լեզուն, դադարեցնի ընդդիմության հետապնդումը, վերանայի քաղաքացիական հասարակության կազմակերպությունների վերաբերյալ օրենսդրությունը», – գրում է Ռիկարդ Յոզվիակը։

Բացի այդ, ըստ Յոզվիակի, ԵՄ գերագույն ներկայացուցիչ Կայա Կալասը նշել է, որ Վրաստանի դեմ հնարավոր պատժամիջոցների հարցը կքննարկվի այլ երկրների ղեկավարների հանդիպմանը մասնակցելուց հետո, և նա ակնարկել է Հունգարիային։

«Կալասն ասում է, որ Վրաստանի դեմ հնարավոր պատժամիջոցները «կվերանայվեն» այն բանից հետո, երբ մյուս ներկայացուցիչները կլինեն բանակցությունների սեղանի շուրջ», – գրում է Ռիկարդ Յոզվիակը։