«Reuters»-ի փոխանցմամբ՝ Կարմիր ծովում կրակ է բացվել Վիետնամից Իսրայել մեկնող նավի վրա, որում եղել է 24 մարդ
Կարմիր ծովում կրակ է բացվել ևս մեկ նավի վրա:
Ինչպես հաղորդում է Reuters-ը, Մալթայի դրոշի ներքո ընթացող հունական նավը հրթիռով խոցվել է Կարմիր ծովում՝ Եմենի Պորտ Սալիֆից 76 ծովային մղոն հյուսիս-արևմուտք:
Ըստ տեղեկությունների՝ «Zografia» նավը Վիետնամից մեկնում էր Իսրայել, որում 24 մարդ էր։
Reuters-ը գրում է, որ հարձակման պահին նավի վրա բեռ չի եղել։ Հրթիռի խոցումից հետո նավը շարունակել է ճանապարհը, թեև անվտանգության ստուգման համար կփոխի իր սկզբնական ուղղությունը։