Ռեջեփ Թայիփ Էրդողանն ասում է, որ ուղերձը, որը աշխարհը կստանա Վլադիմիր Պուտինի հետ հանդիպումից հետո, շատ կարևոր կլինի
Թուրքիայի նախագահ Ռեջեփ Թայիփ Էրդողանի խոսքով՝ իր և ՌԴ նախագահ Վլադիմիր Պուտինի հանդիպումը կարևոր է լինելու։ Այս մասին Էրդողանը հայտարարել է Վլադիմիր Պուտինի հետ հանդիպումից առաջ։
Նրա խոսքով, շատ կարևոր կլինի նաև այն մեսիջը, որը աշխարհը կստանա իրենց հանդիպումից հետո նախատեսված ասուլիսում։
«Այս այցի ընթացքում բոլորի ուշադրությունը հրավիրվում է «հացահատիկային միջանցքի» խնդրի վրա։ Սպասում են, թե սրանից ինչ դուրս կգա։ Այն ուղերձը, որը աշխարհը կստանա այս ասուլիսից հետո, շատ կարևոր կլինի։ Մեր հանդիպումը շատ կարևոր է լինելու»,- ասել է Էրդողանը։
Վլադիմիր Պուտինն ու Ռեջեփ Թայիփ Էրդողանը հանդիպում են Սոչիում: