Ռեջեփ Թայիփ Էրդողանը շնորհավորում է Միխեիլ Ղավելաշվիլիին անկախության օրվա առթիվ. Հավատում եմ, որ մեր ժողովուրդների միջև ընդհանուր շահերի վրա հիմնված ռազմավարական հարաբերությունները առավել կխորանան
Թուրքիայի նախագահ Ռեջեփ Թայիփ Էրդողանը շնորհավորել է Վրաստանի նախագահ Միխեիլ Ղավելաշվիլիին Վրաստանի անկախության օրվա կապակցությամբ։
Վրաստանի նախագահի վարչակազմի հաղորդմամբ՝ Էրդողանը իր ուղերձում շեշտել է երկու երկրների միջև գոյություն ունեցող բարեկամական հարաբերությունները և ռազմավարական գործընկերությունը։
«Պարոն նախագահ, Թուրքիայի ժողովրդի անունից և իմ կողմից սրտանց շնորհավորում եմ ձեզ և բարեկամ վրաց ժողովրդին Վրաստանի անկախության օրվա կապակցությամբ։
Մեր ժողովուրդների միջև բարեկամության և ընդհանուր շահերի վրա հիմնված բարիդրացիական և ռազմավարական հարաբերությունները օրեցօր զարգանում են, ինչը վստահություն է ներշնչում, որ ապագայում այս կապերը ավելի կխորանան և կնպաստեն մեր տարածաշրջանում խաղաղության, կայունության և վերածննդի ապահովմանը։
Ցանկանում եմ օգտվել առիթից և անկեղծորեն մաղթել Ձերդ Գերազանցությանը առողջություն և երջանկություն, իսկ բարեկամ վրաց ժողովրդին՝ խաղաղություն և բարօրություն», – նշված է շնորհավորական ուղերձում։
