Թուրքիայի նախագահ Ռեջեփ Թայիփ Էրդողանը շնորհավորել է Վրաստանի վարչապետ Իրակլի Կոբախիձեին Վրաստանի անկախության օրվա կապակցությամբ։ Այս մասին տեղեկացնում է Վրաստանի կառավարության վարչակազմը։

Հաղորդագրության համաձայն, Իրակլի Կոբախիձեին ուղղված շնորհավորական նամակում Էրդողանը ընդգծում է երկու երկրների միջև գոյություն ունեցող ռազմավարական գործընկերությունը։

«Պարոն վարչապետ, սիրելի ընկեր,

Իմ և թուրք ժողովրդի անունից, սրտանց շնորհավորում եմ Ձեզ և վրաց ժողովրդին Վրաստանի անկախության օրվա կապակցությամբ։

Վստահ եմ, որ մեր երկրները, որոնք միավորված են ռազմավարական գործընկերությամբ, ինչպես ներկայումս, այնպես էլ ապագայում շարունակելու են համատեղ ջանքերով աշխատել՝ տարածաշրջանի բարգավաճման, կայունության և վերածնման համար։

Ցանկանում եմ օգտվել առիթից և ևս մեկ անգամ մաղթել Ձեզ առողջություն և երջանկություն, իսկ բարեկամ վրաց ժողովրդին՝ բարօրություն», – նշված է Էրդողանի շնորհավորական ուղերձում։