Թուրքիայի Հանրապետության նախագահ Ռեջեփ Թայիփ Էրդողանը ժամանել է Հաթայ նահանգի Անթաքիա, որտեղ վրացական փրկարարական խմբի անդամները տարբեր երկրների փրկարար ծառայությունների հետ համատեղ իրականացնում են երկրաշարժի հետևանքների լուծարման և փրկարարական միջոցառումները։

Վրաստանի ՆԳ նախարարության տեղեկատվության համաձայն՝ Թուրքիայի Հանրապետության նախագահն անձամբ հանդիպել է տարբեր երկրների ներկայացուցիչների հետ, տեղում ծանոթացել փրկարարական աշխատանքների ընթացքին։

Նրանց տվյալներով՝ Ռեջեփ Թայիփ Էրդողանն անձամբ շնորհակալություն է հայտնել երկրաշարժի արդյունքների լուծարման և փրկարարական աշխատանքներին ներգրավված փրկարարական խմբերին։

«Վրաստանի ՆԳ նախարարության Արտակարգ իրավիճակների կառավարման ծառայության հրշեջներն ու փրկարարները Հաթայ նահանգի Անթաքիա քաղաքում, թուրքական կողմի հետ համաձայնեցված, շարունակում են երկրաշարժի հետևանքների վերացման և փրկարարական աշխատանքները։

Վրաստանի վարչապետի որոշմամբ Վրաստանի փրկարարական ջոկատը գտնվում է Թուրքիայի Հանրապետությունում»,- նշված է ՆԳ նախարարության տարածած տեղեկատվության մեջ։