«Ես շատ ուրախ եմ Անկարայում հյուրընկալել Վրաստանի վարչապետ պարոն Իրակլի Կոբախիձեին և նրա պատվիրակությանը։ Եվս մեկ անգամ ցանկանում եմ նախօրոք շնորհավորել Վրաստանի բարեկամ ժողովրդին Անկախության օրվա առթիվ»,- ասել է Թուրքիայի նախագահ Ռեջեփ Թայիփ Էրդողանը Վրաստանի վարչապետ Իրակլի Կոբախիձեի հետ համատեղ ճեպազրույցի ժամանակ։

Էրդողանի խոսքով՝ Իրակլի Կոբախիձեի հետ արդյունավետ հանդիպում է տեղի ունեցել:

«Այսօր հանդիպեցին երկու բարեկամ, երկու ռազմավարական գործընկեր երկրների ղեկավարներ, և տեղի ունեցավ շատ արդյունավետ զրույց։ Ես ևս մեկ անգամ պաշտպանեցի տարածքային ամբողջականությունը, ինքնիշխանությունը և բարգավաճումը։ Ես նաև իմ շարունակական աջակցությունն եմ հայտնել եվրատլանտյան կառույցներին ինտեգրվելու ճանապարհին։ Հարգելի վարչապետ, ես շատ ուրախ էի, որ ինձ փոխանցեցիք ձեր տեսակետները Վրաստանում տեղի ունեցող իրադարձությունների վերաբերյալ։ Թուրքիայում մենք հավատում ենք, որ այդ իրադարձությունները կլուծվեն վրաց ժողովրդի լավագույն շահերից ելնելով»,- ասել է Էրդողանը։