Ռեջեփ Թայիփ Էրդողան. Ուկրաինան պետք է մեղմացնի Ռուսաստանի հետ համատեղ քայլերի իր մոտեցումը
Իհարկե, Ուկրաինան պետք է մեղմացնի Ռուսաստանի հետ համատեղ քայլեր ձեռնարկելու իր մոտեցումը, հայտարարել է Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ համատեղ ասուլիսում։
Ինչպես Էրդողանն ասել է Պուտինի հետ հանդիպումից հետո, «հացահատիկային գործարքի» առաջարկվող այլընտրանքները կայուն, անվտանգ և մշտական չեն, ինչպես սևծովյան նախաձեռնությունը։
Էրդողանի խոսքով՝ Թուրքիան պատրաստ է նպաստել Ռուսաստանի և Ուկրաինայի միջև ուղիղ բանակցություններին։
«Մենք կարծում ենք, որ նախաձեռնությունը պետք է շարունակել՝ վերացնելով թերությունները։ Մենք հավատարիմ ենք շարունակելու մեր ջանքերը՝ մեր տարածաշրջանում կայուն խաղաղություն, կայունություն և բարգավաճում հաստատելու համար: ՄԱԿ-ի հետ միասին մենք պատրաստել ենք առաջարկությունների նոր փաթեթ, որը ներառում է զգալի առաջընթաց։ Կարծում եմ, որ այս նոր գործընթացով կարելի է արդյունքների հասնել։ Ուկրաինան, իհարկե, պետք է մեղմացնի Ռուսաստանի հետ համատեղ քայլեր ձեռնարկելու իր մոտեցումը»,- ասել է Ռեջեփ Թայիփ Էրդողանը։
Բացի Ուկրաինայից, Պուտինն ու Էրդողանը քննարկել են իրավիճակը Կովկասում, Լիբիայում և Աֆրիկայում։
Սոչիում հանդիպել են Վլադիմիր Պուտինն ու Ռեջեփ Թայիփ Էրդողանը։