Թուրքիայի նախագահ Ռեջեփ Թայիփ Էրդողանը շնորհավորել է Դոնալդ Թրամփին ԱՄՆ նախագահական ընտրություններում տարած հաղթանակի կապակցությամբ։

«Շնորհավորում եմ իմ ընկեր Դոնալդ Թրամփին, ով անխոնջ պայքարի արդյունքում հաղթեց ընտրություններում և վերընտրվեց ԱՄՆ նախագահի պաշտոնում։

Այս նոր դարաշրջանում, որը սկսվում է Ամերիկայի ժողովրդի ընտրությամբ, մենք հույս ունենք, որ Թուրքիա-ԱՄՆ հարաբերությունները կամրապնդվեն, և տարածաշրջանային ու համաշխարհային ճգնաժամերն ու պատերազմները կավարտվեն։ Հատկապես Պաղեստինի հարցն ու Ռուսաստանի ու Ուկրաինայի պատերազմը։ Ես հավատում եմ, որ լրացուցիչ ջանքեր կլինեն ավելի արդար աշխարհի համար։ Հուսով եմ, որ ընտրությունները օգուտ կտան մեր բարեկամին ու դաշնակցին՝ Ամերիկայի ժողովրդին և ողջ աշխարհին»,- ասել է Էրդողանը։

Նախնական տվյալներով՝ ԱՄՆ նախագահական ընտրություններում հաղթել է Հանրապետական ​​կուսակցության նախագահի թեկնածու Դոնալդ Թրամփը։