Թուրքիայի նախագահ Ռեջեփ Թայիփ Էրդողանը «շնորհակալություն է հայտնում բոլոր ընկերներին Անկարայում երեկ տեղի ունեցած ահաբեկչությունից հետո ցավակցությունների և համերաշխության համար»։

Ինչպես Էրդողանն ասել է BRICS-ի գագաթնաժողովում իր ելույթում, ահաբեկչությունն էլ ավելի ամրապնդեց ահաբեկչությունը վերացնելու Թուրքիայի վճռականությունը։

«Ցանկանում եմ շնորհակալություն հայտնել մեր բոլոր ընկերներին, ովքեր իրենց ցավակցությունն ու համերաշխությունը հայտնեցին երեկ Անկարայում տեղի ունեցած դավաճանական ահաբեկչության կապակցությամբ։ Այս նողկալի հարձակումն էլ ավելի ամրապնդեց ահաբեկչությունը վերացնելու Թուրքիայի պատրաստակամությունն ու վճռականությունը»,- ասել է Էրդողանը։

Թուրքիայի օդատիեզերական պետական ​​ընկերության կենտրոնակայանի վրա հարձակման հետևանքով զոհվել է հինգ և վիրավորվել 22 մարդ։ Երկու հարձակվողներ՝ մեկ կին և մեկ տղամարդ, վնասազերծվել են։ Թուրքիայի ՆԳՆ-ն տեղի ունեցածը գնահատել է որպես ահաբեկչություն եւ հայտնել, որ հարձակման հետեւում կանգնած է «Քրդստանի աշխատավորական կուսակցությունը»։ Ի պատասխան հարձակման՝ Թուրքիան ավիահարվածներ է հասցրել Իրաքում և Սիրիայում Քրդստանի աշխատավորական կուսակցության (PKK) զինյալների հետ կապված օբյեկտներին։ Թուրքիայի պաշտպանության նախարարության հայտարարության համաձայն՝ Իրաքում և Սիրիայում պատասխան հարձակման ժամանակ ոչնչացվել է ահաբեկիչներին պատկանող 47 թիրախ։