Մենք տեղյակ ենք հրադադարի պայմանների դժվարությունների մասին, բայց մենք կշարունակենք մեր ջանքերը, քանի որ կարծում ենք, որ դիվանագիտությունը միակ լուծումն է,- ասել է Թուրքիայի նախագահ Ռեջեփ Թայիփ Էրդողանը Նիդեռլանդների վարչապետ Մարկ Ռուտեի հետ համատեղ ճեպազրույցում։

Նա ասել է, որ Թուրքիան ուկրաինական ճգնաժամի սկզբից շատ հստակ դիրքորոշում է որդեգրել։

«Մենք օգտագործել ենք դիվանագիտությունը ամեն հնարավորության դեպքում և կենտրոնացել ենք լարվածության դեէսկալացիայի անհրաժեշտության վրա»,- ասել է Էրդողանը։

Ըստ Ռեջեփ Թայիփ Էրդողանի՝ Թուրքիան զբաղված է ինտենսիվ դիվանագիտությամբ:

«Ցավոք, Ուկրաինայում հումանիտար ողբերգությունը գնալով մեծանում է։ Հազարավոր մարդիկ զոհվեցին, մինչև 3 միլիոնը տեղահանվեցին և ապաստան գտան հարևան երկրում։ Մենք ինտենսիվ դիվանագիտություն ենք վարում: Ես կապ կպահպանեմ պարոն Զելենսկու և պարոն Պուտինի հետ։ Մեր արտգործնախարարն անցյալ շաբաթ Մոսկվայում և Լվոլվում հանդիպում է ունեցել իր գործընկերների հետ։ Հրադադարի և կայուն խաղաղության համար մենք ցանկանում ենք ևս մեկ անգամ հայտարարել ձեզ հարթակ առաջարկելու մեր պատրաստակամության մասին։ Մենք տեղյակ ենք իրավիճակի հետ կապված դժվարություններին, բայց մենք կշարունակենք մեր ջանքերը, քանի որ կարծում ենք, որ դիվանագիտությունը միակ լուծումն է», – ասել է Էրդողանը։