Մենք չենք պատրաստվում մոռանալ Իսրայելի միջուկային զենքի գոյության հարցը, հայտարարել է Թուրքիայի նախագահ Ռեջեփ Թայիփ Էրդողանը։

Թուրքիայի նախագահի խոսքով՝ Իսրայելի վարչապետ Բենիամին Նեթանյահուն Գազայի դահիճն է, ով պետք է դատվի ռազմական հանցագործությունների համար։

Էրդողանի խոսքով՝ «Իսրայելը ոչ միայն մարդասպան է, այլեւ գող, եւ Թուրքիան թույլ չի տա Իսրայելին կրկին գրավել Գազայի հատվածը»։

«Գոյություն ունի գլոբալ կառույց, որը գործում է մի քանի երկրների կամքով։ ՄԱԿ-ի կոռումպացված կառուցվածքը պետք է փոխվի: Թուրքիան պատրաստ է լինել Իսրայելի և Պաղեստինի միջև խաղաղ բանակցությունների երաշխավորը: Գազան պաղեստինյան տարածք է։ Գազան պատկանում է պաղեստինցիներին և այդպիսին կմնա հավերժ։ Նրանք, ովքեր ներխուժել են Գազա, վաղը կփնտրեն այլ տեղ: Գազայի դահիճը՝ Նեթանյահուն բացահայտել է, որ ունի էքսպանսիոնիստական ​​իդեալներ»,- ասել է Ռեջեփ Թայիփ Էրդողանը։