«Անցյալ տարի Թուրքիա-Վրաստան երկկողմ առևտրի համատեքստում մենք հասանք երեք միլիարդ դոլարի, նոր թիրախը կլինի հինգ միլիարդ»,- ասել է Թուրքիայի նախագահ Ռեջեփ Թայիփ Էրդողանը Իրակլի Կոբախիձեի հետ համատեղ ճեպազրույցի ժամանակ։

Էրդողանի խոսքով՝ Թուրքիան պատրաստ է մասնակցել Վրաստանի խոշորագույն նախագծերին։

«Անցյալ տարի երկկողմ առեւտրի համատեքստում մենք հասանք երեք միլիարդ դոլարի։ Մենք պայմանավորվեցինք միմյանց հետ, որ նոր թիրախը, ուղենիշը կլինի հինգ միլիարդը։ Ես հավատում եմ, որ մենք ներուժ ունենք շատ շուտով մոտենալու այս նշագծին և լիովին ըմբռնելու մեր բիզնես հնարավորությունները:

Տարածաշրջանային համագործակցության համատեքստը շատ կարևոր է Թուրքիա-Վրաստան հարաբերություններում, և մենք կշարունակենք ջանքեր գործադրել Բաքու-Թբիլիսի-Կարս երկաթուղու նախագծի իրականացման համար, որը հանդիսանում է Միջին միջանցքի ողնաշարը և պատմական Մետաքսի ճանապարհի վերածնունդը։ հուսով եմ, որ այն շատ շուտով կգործի: Մենք օգտագործում ենք այս առիթը և միմյանց հաստատում ենք մեր պատրաստակամությունը նույն հաջողությամբ աշխատել տրանսպորտային և էներգետիկ այլ նախագծերի վրա։ Ես վարչապետին ասացի, որ մենք պատրաստ ենք մասնակցել Վրաստանի ամենամեծ նախագծերին՝ օդանավակայանի, նավահանգիստների, էներգետիկ նախագծերի, էլեկտրահաղորդման գծերի կառուցման, մենք նաև մեր ցանկությունն ու խոստումն ենք հայտնել անվտանգության ոլորտում համագործակցության առումով»,- ասել է Ռեջեփ Թայիփ Էրդողանը։