«Ռազմավարություն Աղմաշենբելին», «Դրոան» և «Գիրչի ավելի ազատություն»-ը տարածում են համատեղ հայտարարություն
«Ռազմավարություն Աղմաշենեբելի»-ն, «Դրոան»-ն և «Գիրչի ավելի ազատություն»-ը համատեղ հայտարարություն են տարածում։
«Հոկտեմբերի 19-21-ը Բրյուսել կատարած մեր այցի շրջանակներում մենք մի քանի հանդիպումներ ունեցանք ինչպես եվրոպացի քաղաքական գործիչների, այնպես էլ Եվրահանձնաժողովի այն բարձրաստիճան պաշտոնյաների հետ, ովքեր անմիջականորեն աշխատում են Վրաստանի և մեր տարածաշրջանի խնդիրների վրա, այդ թվում՝ Եվրահանձնաժողովի կողմից Վրաստանի համար սահմանված պահանջների 12 կետից բաղկացած ցանկի պատրաստումն ու մոնիտորինգը, կատարողականի գնահատման գործընթացում։ Նշված այցի ավարտից հետո Վրաստանի բնակչությանը ներկայացրեցինք այն տրամադրություններն ու սպասումները, որոնց բախվեցինք այս հանդիպումների ընթացքում։
Մասնավորապես, Եվրամիության համապատասխան կառույցները կարծում են, որ Վրաստանն ուներ բոլոր նախադրյալները 2022 թվականի հունիսին Ուկրաինայի և Մոլդովայի հետ միասին Եվրամիության անդամակցության թեկնածուի կարգավիճակ ստանալու համար, սակայն «Վրացական երազանքի» քայլերը, ինչպես նաև որոշ դեպքերում չձեռնարկված քայլերը հանգեցրին կարգավիճակի մերժմանը և Եվրահանձնաժողովը հանգեցրեց պահանջների 12 կետից բաղկացած ցանկի առաջացմանը։ 2022 թվականի վերջին Եվրահանձնաժողովի 12 կետերի հետ կապված, ամենայն հավանականությամբ, որևէ գնահատական չի լինի։ Գնահատման նախապատրաստումը կսկսվի 2023 թվականի փետրվար-մարտ ամիսներին։ Մինչ այդ սկսելու իմաստ չեն տեսնում, քանի որ այս պահի դրությամբ պահանջների կատարման առումով էական առաջընթաց չկա։ Գնահատումը կավարտվի և կհրապարակվի մինչև 2023 թվականի վերջը։ Գնահատականը, ամենայն հավանականությամբ, կլինի բացասական, այսինքն՝ Վրաստանը կրկին չի կարողանա Եվրամիության անդամակցության թեկնածուի կարգավիճակ ստանալ։ Նման մեծ հավանականության հիմքում ընկած է այն փաստը, որ որոշ կետերի առնչությամբ Եվրամիությունը սպասում է ոչ միայն որոշակի օրենսդրական փոփոխությունների, այլև իրական, գործնական արդյունքների, որոնք պետք է ժամանակի ընթացքում դիտարկվեն։ «Վրացական երազանքն» արդեն ուշանում է այս կետերի առնչությամբ քայլեր ձեռնարկել, և գնալով ավելի քիչ ժամանակ է մնում գործնականում դիտարկումներ անելու համար։ Այդպիսի դրույթներից է ապաօլիգարխացման դրույթը։
Մեր ճեպազրույցին հաջորդեցին «Վրացական երազանքի» խորհրդարանական ներկայացուցիչների միանգամայն անպատասխանատու և զավեշտալի մեկնաբանությունները, ինչպես նաև կառավարական հեռուստաալիքների լուրերը՝ մեզ անվանելով «պարապ մարդիկ», «երկրի թշնամիներ» և այլն։ Դիմում ենք «Վրացական երազանքին», եթե Իվանիշվիլին թույլ տա, մենք պատրաստ ենք ձեզ հետ նստել ձեր կողմից վերահսկվող ցանկացած հեռուստաալիքով, ձեր սեփական հաղորդավարով, կետ առ կետ հետևել Եվրահանձնաժողովի պահանջների ցանկին և բացատրել, դուք ինչ խնդիրներ են տեսնում եվրոպացիները յուրաքանչյուր կետի և ձեր կատարած կամ չարած քայլերի առնչությամբ, և ինչու է արդեն չափազանց ցածր հավանականությունը, որ Վրաստանը հաջորդ տարեվերջին ստանա Եվրամիության անդամակցության թեկնածուի կարգավիճակ։ Եթե թույլ տան, իհարկե»,- ասված է հայտարարության մեջ։