Խորհրդարանական մեծամասնության անդամ Ռատի Իոնաթամիշվիլիի խոսքով, ընդդիմախոսները հերթական անգամ լյուստրացվել են Ուկրաինային աջակցող բանաձեւի հետ կապված։

Ըստ Իոնաթամիշվիլիի՝ «Ազգային շարժումը» ցանկանում է ապակայունացնել ողջ տարածաշրջանը, իսկ «Վրացական երազանքը»՝ անկախություն, կայունություն եւ անվտանգություն ապահովել։

«Մենք ամեն քայլ անում ենք մեր արևմտյան գործընկերների հետ սերտ համակարգմամբ։ «Ազգային շարժման» քաղաքականության արդյունքը գիտենք՝ երկրի տարածքի 20 տոկոսը հանձնեցին Ռուսաստանին։ Մենք նաև լավ ենք հիշում նրանց աջակցած բանաձևը, որը 10 տարի թաքցնում էին ժողովրդից և որը վրացական ռազմական ուժերին մեղադրում էր պատերազմ սկսելու մեջ։ Մեր քաղաքականությունը այլ է:

Մենք հստակ գիտենք, թե ինչ ենք անում և ինչու ենք դա անում: Մեր յուրաքանչյուր քայլ բխում է ազգային շահերից, պատերազմ կանխելու և տարածաշրջանում խաղաղության շահերից։ Ինչ վերաբերում է բանաձեւի վերաբերյալ «Ազգային շարժման» հեռուստաընկերությունների նարատիվին, ապա յուրաքանչյուր մարդ իրավունք ունի լինել այս սադրիչ, ամենապրիմիտիվ և միայն թշնամու համար օգտակար նարատիվի ազդեցության տակ։

Վերջապես, քանի որ բանաձևի տեքստից ամենաշատը վրդովված էր Ռուսաստանի արտաքին անվտանգության մասնագետ Էլենե Խոշտարիան, դա ևս մեկ ապացույց է, որ մենք ճիշտ ուղու վրա ենք, և որ սադրիչ հռետորաբանության և Վրաստանին ուշադրությունը շեղելու խնդիրը գալիս է Ռուսաստանից»,- գրել է Ռատի Իոնաթամիշվիլին: