Ռատի Բրեգաձեն Գորիում ներկայացրել է արդարադատության նախարարության մեկ տարվա աշխատանքային հաշվետվությունը
Արդարադատության նախարար Ռատի Գրեգաձեն շարունակում է Վրաստանի քաղաքներում գերատեսչության գործունեության մեկամյա հաշվետվություն ներկայացնել։ Թբիլիսիից, Քութայիսիից, Բորժոմիից, Ռուսթավիից, Բաթումիից և Թելավից հետո Ռատին Բրեգաձեն եղել է Գորիում, որտեղ բնակչությանը տեղեկացրել է իրականացված բարեփոխումների և կատարած խոստումների մասին։
Նախարարի զեկույցն ընդգրկում է Արդարադատության նախարարության անցած տարվա ընթացքում ձեռք բերված առաջընթացը։ Մասնավորապես:
«Mobile Justice House» նորարարական նախագիծը ներդրվել և հաջողությամբ գործում է յոթ մարզերում, Վրաստանի վեց խոշոր քաղաքներում տեղադրվել է PROBBOX էլեկտրոնային սպասարկման համակարգը պրոբացիոն ծառայությունների համար
Մեկնարկեց հողերի համակարգային գրանցման բարեփոխումը. Վրաստանի 59 մունիցիպալիտետներում հողի չափագրումն ու գրանցումն իրականացվում է փուլ առ փուլ՝ ըստ ժամանակացույցի
Ենթակառուցվածքային աշխատանքները շարունակվում են. բացվել են հինգ նոր արդարադատության տուն և համայնքային կենտրոն, ևս վեց համայնքներում շինարարական աշխատանքներ են ընթանում: Բացի այդ, մեկ արդարադատության տուն կգործարկվի Թբիլիսիում՝ Հուալինգում, Ախալցխայում բացվել է Սամցխե-Ջավախեթիի տարածաշրջանային արխիվի շենքը
Հիմնադրվել և հրատարակվել է «Արդարություն» երկլեզու ամսագիրը
Ստորագրվել են փոխհամագործակցության հուշագրեր Թուրքիայի, Իսրայելի, Հունգարիայի, Հայաստանի, Ադրբեջանի, Շվեյցարիայի արդարադատության նախարարությունների հետ
Ամրապնդվել են բանտարկյալների զբաղվածության ծրագրերը քրեակատարողական և պրոբացիոն համակարգերում: Քրեակատարողական հիմնարկներում մարզական գործունեության խրախուսումը շարունակվում է.
Պրոբացիայի գրասենյակներ են բացվել Սիղնաղիում, Թերջոլայում, Քութայիսիում և Զեստափոնում։
Արդարադատության նախարարության մեկ տարվա աշխատանքային հաշվետվության շնորհանդեսին ներկա էին տեղական ինքնակառավարման մարմինների ներկայացուցիչներ, արդարադատության փոխնախարարներ, հրավիրված հյուրեր։