Ռատի Բրեգաձե. Երբ բժիշկների առաջարկությունը լինի, Սաակաշվիլիին կտեղափոխեն քրեակատարողական հիմնարկ
Վրաստանի արդարադատության նախարար Ռատի Բրեգաձեի խոսքով, երբ բժիշկների առաջարկությունը լինի, Սաակաշվիլին կտեղափոխվի քրեակատարողական հիմնարկ։
Ըստ նրա՝ բանտարկյալը պետք է պատիժը կրի քրեակատարողական հիմնարկում, սակայն առողջական վիճակի պատճառով Սաակաշվիլին ներկայումս գտնվում է բուժհաստատությունում։
«Ես նախկինում ասել եմ և հիմա էլ կկրկնեմ, որ երբ բժիշկների հանձնարարականը լինի, իհարկե, Սաակաշվիլին կտեղափոխվի քրեակատարողական հիմնարկ։ Դատապարտյալ բանտարկյալն իր պատիժը կրում է քրեակատարողական հիմնարկում, սակայն առողջական վիճակի պատճառով, ինչպես շատ այլ բանտարկյալներ, Սաակաշվիլին ներկայումս գտնվում է բժշկական հաստատությունում», – ասել է Ռատի Բրեգաձեն։