Նախարարությունը և Հատուկ քրեակատարողական ծառայությունը դեմ չեն լինի, եթե դատապարտյալը կամ նրա ընտանիքն ուղղակիորեն կներկայացնեն Միխեիլ Սաակաշվիլիի բուժման մեջ ընդգրկված օտարերկրյա բժիշկների ցանկը,- այսօր կայացած կառավարության նիստից հետո ասել է Վրաստանի արդարադատության նախարար Ռատի Բրեգաձեն։

«Ցանկանում եմ հայտարարություն անել ապատեղեկատվության հետ կապված, թե իբր պետությունը թույլ չի տալիս լեհ բժիշկներին այցելել Միխեիլ Սաակաշվիլիին։ Այստեղ ես ուզում եմ հանրությանը հիշեցնել, որ 2022 թվականի նոյեմբերի 29-ին դատապարտված Միխեիլ Սաակաշվիլիին առաջարկել ենք բժիշկներ բերել, նկատի ունեմ օտարերկրյա ցանկացած կլինիկայից, որպեսզի ներգրավվեն նրա բուժման գործընթացում։ Այնուհետև երեք օր առաջ մենք լրացուցիչ բացատրեցինք, որ մեր առաջարկը ուժի մեջ է, նախարարությունը և Հատուկ քրեակատարողական ծառայությունը դեմ չեն լինի, որ արտասահմանյան որևէ կլինիկայի որևէ օտարերկրյա բժիշկ ներգրավվի Միխեիլ Սաակաշվիլիի բուժման մեջ»,- ասել է Ռատի Բրեգաձեն։

Նրա խոսքով՝ այսօր կառավարության նիստից առաջ նա կրկին ստուգել է, և ժամը 13։00-ի դրությամբ ոչ Միխեիլ Սաակաշվիլին, ոչ նրա ընտանիքը որևէ հայտարարություն չեն ներկայացրել, ըստ որի՝ խնդրել են Միխեիլ Սաակաշվիլիի բուժմանը ներգրավել օտարերկրյա բժիշկների։

«Ուզում եմ ևս մեկ անգամ դիմել ինչպես ուղղակիորեն դատապարտված Սաակաշվիլիին, այնպես էլ նրա ընտանիքի անդամներին, և հանրությանը ճիշտ տեղեկացնելու համար ուզում եմ պարզաբանել, որ նախարարությունը և Հատուկ քրեակատարողական ծառայությունը դեմ չեն լինի, եթե ուղղակիորեն դատապարտված անձը, կամ նրա ընտանիքը ներկայացված է տեղում՝ «Վիվամեդ» կլինիկայում, որպեսզի Միխեիլ Սաակաշվիլիին բուժման մեջ ներառեն օտարերկրյա բժիշկների ցուցակը, և այս դեպքում մենք նրանց կմիջնորդենք Առողջապահության նախարարության հետ, որպեսզի այդ բժիշկները անցնեն համապատասխան ընթացակարգերը, որպեսզի ստանանք բժշկությամբ զբաղվելու թույլտվություն և կարողանամ զբաղվել դատապարտյալ Սաակաշվիլիի բուժման գործունեությամբ, ես ընդգծված կրկնում եմ՝ Վրաստանում, այն կլինիկայում, որտեղ նա այժմ բուժվում է», – ասել է Ռատի Բրեգաձեն։