Վրաստանի արդարադատության նախարար Ռատի Բրեգաձեի խոսքով, եթե Միխեիլ Սաակաշվիլին դադարեցնի հացադուլը, նա կվերադառնա 12-րդ հիմնարկ։

«Միակ պահանջը, որ ունեին բանտարկյալ Սաակաշվիլիի փաստաբանները դատարանի առաջ, նրան անհապաղ քաղաքացիական կլինիկա տեղափոխելն էր։ Այս պահանջը Ստրասբուրգի դատարանը չբավարարեց, և Ստրասբուրգի դատարանը պնդեց հացադուլը դադարեցնել։ Սա շատ մարդկային որոշում է, որի ոգին մենք կիսում ենք սկզբից մինչև վերջ։

Մենք այն մարդիկ էինք, որ առաջարկեցինք ըստ արձանագրության՝ բացատրելով, թե ինչ վնասակար ազդեցություն ունի, օրինակ, հացադուլը մարդու առողջության վրա։ Նայեք մյուս կողմին՝ ուղիղ եթերում կոչ են անում չդադարեցնել հացադուլը, որ այս դեպքում ինքը՝ որպես քաղաքական գործիչ, կոչնչացվի, ի՞նչ է դա, եթե ոչ բռնություն կալանավորի նկատմամբ։ Երբևէ մեզանից նման հայտարարություն կամ գոնե մեկ վիրավորական խոսք լսե՞լ եք։ Ոչ, դուք չեք կարող տեսնել, քանի որ ցանկացած բանտարկյալ մեր խնամքի առարկան է։

Մարդիկ մտնում են վրան, ասում են, այս մարդուն տեղափոխեք քաղաքացիական կլինիկա, նույնիսկ չեն պահանջում, որ այս մարդը դադարեցնի հացադուլը։ Դրա պատճառով հացադուլ են անում։ Կոչ անեն, որ դադարեցնի հացադուլը, և նա կվերադառնա 12-րդ հիմնարկ»,- ասել է Ռատի Բրեգաձեն։

Միևնույն ժամանակ, նախարարը ևս մեկ անգամ նշում է, որ Միխեիլ Սաակաշվիլիին խարդախությամբ 12-րդ հիմնարկից 18-րդ հիմնարկ չեն տեղափոխել։

Նախարարի խոսքով, Միխեիլ Սաակաշվիլին գիտեր, որ իրեն տեղափոխում են բուժհաստատություն։

«Դա ասում է ինքը՝ բանտարկյալը, բայց տեսնում եք, որ դուրս է գալիս ու ինքնակամ գնում։ Իսկ ընդհանրապես, թե բանտարկյալին ուր կտեղափոխեն, որոշում է կայացնում ոչ թե ինքը, այլ քրեակատարողական հատուկ ծառայությունը՝ ելնելով անհրաժեշտությունից։ Բոլոր նրանք, ովքեր ունեն նմանատիպ հարցեր, պետք է ծանոթ լինեն օրենսդրությանը և ստանան բոլոր պատասխանները։ Մենք ոչ մեկին չենք խաբում: Մենք մեր պարտքն ենք կատարում այս երկրի և օրենքի առաջ: Նա գիտեր, որ գնում է կլինիկա և բուժհաստատություն: Նա գիտեր, որ իրեն տեղափոխում են բուժհաստատություն, և բանտարկյալին ուր կտեղափոխեն, որոշում է կայացնում ոչ թե բանտարկյալը, այլ հատուկ քրեակատարողական ծառայությունը՝ ելնելով նրա առողջության և անվտանգության գործոններից»,- ասել է Ռատի Բրեգաձեն։

Բացի այդ, ըստ Ռատի Բրեգաձեի, կադրերը ցուցադրվել են Հատուկ քրեակատարողական ծառայության կողմից և այդ կադրերում երևում է նաև, թե ինչպես է փաստաբաններից մեկը ստում։

«Կադրերում երեւում է տեղափոխման փաստը, թե ինչպես է տեղի ունեցել տեղափոխումը։ Նաև այս կադրերը հանրությանը ցույց են տալիս, թե ինչպես է փաստաբաններից մեկը ստում, կարծես ռեանիմոբիլը կանգ է առել հաստատությունից 30 մետր հեռավորության վրա։ Այդ կադրերը ցույց են տալիս այն փաստը, որ բանտարկյալը ֆիզիկական բռնության է ենթարկել մեր աշխատակցին և վնասել բժշկական սարքավորումները»,- ասել է Ռատի Բրեգաձեն։