Դատապարտված Սաակաշվիլին բանտարկյալ է, և մենք, ինչպես և հիմա, ապագայում ևս կշարունակենք հետևել բժիշկների հանձնարարականներին։ Երբ մենք համապատասխան եզրակացություն ունենանք, Սաակաշվիլիին կտեղափոխեն համապատասխան քրեակատարողական հիմնարկ,- ասել է Վրաստանի արդարադատության նախարար Ռատի Բրեգաձեն։

Նրա խոսքով՝ այս փուլում Սաակաշվիլին շարունակում է բուժումը «Վիվամեդի» կլինիկայում։

«Երբ խոսքը վերաբերում է մարդու առողջությանը, մենք միշտ գործում ենք ըստ բժշկական անձնակազմի հանձնարարականների։ Հետեւաբար, եթե բժիշկները խորհուրդ տան, որ նա կարող է տեղափոխվել քրեակատարողական հիմնարկ, կտեղափոխվի։ Նա այժմ գտնվում է «Վիվամեդի» կլինիկայում, և այս փուլում չկա որևէ օբյեկտիվ նախադրյալ նրան տեղափոխելու կամ այլ կլինիկա կամ քրեակատարողական հիմնարկ։ Ուստի նա շարունակում է բուժվել «Վիվամեդի» կլինիկայում»,- ասել է Ռատի Բրեգաձեն։