Այս պահին բանտարկյալ Սաակաշվիլին շարունակում է բուժումը, և նրա կենսական պարամետրերը նորմալ են,- «Իմեդի» հեռուստաընկերության եթերում ասել է արդարադատության նախարար Ռատի Բրեգաձեն։

Արդարադատության նախարարի խոսքով, դատապարտյալի/մեղադրյալի առողջական վիճակի վերաբերյալ կանխատեսումներ պետք է անեն միայն մասնագետները, սակայն բուժումը դադարեցնելու մասին տեղեկությունները չեն համապատասխանում իրականությանը։

«Բժիշկներն ու մասնագետները պետք է կանխատեսումներ անեն բանտարկյալ Սաակաշվիլիի առողջական վիճակի սպասվող վատթարացման կամ մեղմացման մասին, իսկ ինչ վերաբերում է այն հայտարարությանը, որ նա թողել է բուժումը, պատասխանեմ, որ այս պահին բանտարկյալ Սաակաշվիլին շարունակում է բուժումը, և նրա կենսական պարամետրերը նորմալ են։ Խորհրդի վերջին եզրակացությունների հիման վրա նա հոսպիտալացման կարիք չունի»,- ասել է Ռատի Բրեգաձեն։

Արդարադատության նախարարը պարզաբանել է, որ հացադուլ անող բանտարկյալի հետ հարաբերությունն ունի իրենց արձանագրությունը, որը լիովին պաշտպանված է դատապարտյալ Սաակաշվիլիի հետ կապված: Նրան տեղեկություններ են տրամադրվում հացադուլի վնասակար հետևանքների մասին և պարբերաբար սնունդ են առաջարկում։

«Եթե շտապ բժշկական օգնություն անհրաժեշտ եղավ, ապա այդ նպատակով հերթապահում է ռեանոմոբիլը: Համապատասխան տեխնիկան առաքվել է», – ասել է արդարադատության նախարարը՝ նշելով, որ առաջին բուժօգնության անհրաժեշտության դեպքում դատապարտյալ Սաակաշվիլիին այդ օգնությունը կցուցաբերվի տեղում։

«Մենք անում ենք հնարավոր ամեն բան, որպեսզի բանտարկյալի առողջական վիճակը կայուն լինի»,- ասել է Ռատի Բրեգաձեն։քա