Ռաֆայել Գրոսը պնդում է, որ Իրանի միջուկային օբյեկտները մինչ օրս չեն վնասվել
Միջազգային ատոմային էներգիայի գործակալության ղեկավար Ռաֆայել Գրոսի խոսքով՝ այս պահին Իրանի միջուկային օբյեկտներին որևէ վնաս չի հասցվել։
«Չկան որևէ ցուցում այն մասին, որ որևէ միջուկային օբյեկտ, այդ թվում՝ Բուշերի ատոմակայանը, Թեհրանի հետազոտական ռեակտորը կամ Իրանի որևէ այլ միջուկային վառելիքի ցիկլ, վնասվել կամ հարձակման է ենթարկվել», – ասել է Ռաֆայել Գրոսը։
Նա ասել է, որ գործակալությունը շարունակում է փորձել կապ հաստատել Իրանի ատոմային էներգիայի գործակալության ղեկավարության հետ, սակայն դեռևս որևէ արձագանք չի եղել։
Ռաֆայել Գրոսը նաև կոչ է անում կողմերին ռազմական զսպվածություն ցուցաբերել՝ նշելով, որ Իրանում գործում են ատոմակայաններ և հետազոտական ռեակտորներ, և որ միջուկային անվտանգությանը սպառնալիք չպետք է լինի։
«Մինչ այժմ ճառագայթման մակարդակի նորմայից բարձր աճ չի եղել», – ասել է Միջազգային ատոմային էներգիայի գործակալության ղեկավարը։