Ռադոսլավ Սիկորսկի. Հեյ, Իլոն Մասկ, մեծ մարդ, դու նորից քաղաքական խաղեր ես խաղում քո ապրանքի հետ
Հեյ, Իլոն Մասկ, մեծ մարդ, դու նորից քաղաքական խաղեր ես խաղում քո ապրանքի հետ,– Լեհաստանի արտաքին գործերի նախարար Ռադոսլավ Սիկորսկին դիմում է SpaceX-ի գործադիր տնօրեն Իլոն Մասկին այն բանից հետո, երբ հայտնի դարձավ, որ ուկրաինացի զինվորականների համար Starlink տերմինալների շահագործման վրա սահմանափակումներ են դրվել։
Սիկորսկին պնդում է, որ SpaceX-ի եվրոպացի հաճախորդները հետևում են ընթացիկ գործընթացներին։
«Հեյ, Իլոն Մասկ, մեծ մարդ, դու նորից քաղաքական խաղեր ես խաղում քո ապրանքի հետ։ Քո եվրոպացի հաճախորդները հետևում են քեզ», – գրել է Սիկորսկին սոցիալական ցանցում։
Տեղեկատվության համար, Ուկրաինայի նախագահի խորհրդական Սերգեյ Բեսկրեստնովը հայտնել է, որ SpaceX-ը սահմանափակել է Starlink-ի արագությունը ուկրաինացի զինվորականների համար։ Նա ասել է, որ SpaceX-ը հոկտեմբերի 14-ի գիշերը արագության սահմանափակում է մտցրել բջջային Starlink տերմինալների համար։ Նրա խոսքով, այս որոշումը կարող է պատահական չլինել և «կարող է կապված լինել ներկայիս քաղաքական իրավիճակի հետ»։