Ուկրաինայի Գերագույն Ռադայի նախագահ Ռուսլան Ստեֆանչուկի խոսքով՝ Ուկրաինայի եվրատլանտյան նկրտումների ձևակերպումը կքննարկվի պատերազմի ավարտի շուրջ բանակցություններից հետո։ Տեղեկությունը տարածում են ուկրաինական լրատվամիջոցները։

«Քանի որ Ուկրաինայի ուղին դեպի եվրատլանտյան ինտեգրում ամրագրված է Ուկրաինայի սահմանադրությամբ, մենք այս ուղղությամբ լեգիտիմության շատ բարձր մակարդակ ունենք։ Այսպիսով, մենք կնայենք, թե ինչ ճանապարհով կգնան բանակցողները, իսկ հետո կսկսենք փնտրել մոդել, որը կա՛մ չի հակասում սահմանադրությանը, կա՛մ փոխում է սահմանադրությունն այս մասով»,- պարզաբանել է Ստեֆանչուկը։

Ստեֆանչուկի խոսքով՝ Ուկրաինայի համար կարևոր է, որ այդ պայմանավորվածությունների արդյունքում առաջին հերթին վերականգնվի անվտանգությունը և անվտանգության երաշխիքներ ձեռք բերվեն երկրի գործունեության համար։

«Ուստի մենք սպասում ենք, որ բանակցային գործընթացում ձեւավորվի բանաձև և կմիանանք դրա քննարկմանը»,- ասել է Գերագույն Ռադայի խոսնակը։