Բուխարեստում կայացավ մինչև 21 տարեկանների Եվրոպայի առաջնության եզրափակիչ փուլի վիճակահանությունը և հայտնի դարձան Վրաստանի մրցակիցները։

Նշենք, որ վիճակախաղի հաղորդավարներից էր Վրաստանի Առաջին ալիքի նախկին աշխատակից, ՎՖԴ-ի մամուլի խոսնակ Օթար Գիորգաձեն։ Ներկաներին խոսքով դիմել են ունեցել Ռումինիայի և Վրաստանի ֆուտբոլի ֆեդերացիաների նախագահներ Ռիզվան Բուրլեանուն և Լևան Կոբիաշվիլին։

Եզրափակիչ փուլ անցած 16 թիմերը վիճակահանության արդյունքում կազմեցին չորս խումբ։

Նախապես հայտնի էր, որ մեր երիտասարդական հավաքականը ավտոմատ կերպով հանդես կգա A խմբում, որտեղ նրա մրցակիցները կլինեն Պորտուգալիան, Հոլանդիան և Բելգիան։

A Խումբ

Պորտուգալիա, Նիդեռլանդներ, Բելգիա, Վրաստան

2023 թվականի հունիսի 21-ից հուլիսի 8-ը Վրաստանում և Ռումինիայում կկայանան մինչև 21 տարեկանների Եվրոպայի առաջնության եզրափակիչ փուլի հանդիպումները։ Վրաստանում (հանդիպումները կանցկացվեն Թբիլիսիում, Քութայիսիում և Բաթումում) A և C խմբերի հանդիպումների հետ մեկտեղ կանցկացվեն քառորդ եզրափակիչ երկու հանդիպումներ, կիսաեզրափակիչ և եզրափակիչ։ Վրաստանն առաջին հանդիպումը կանցկացնի Պորտուգալիայի հետ:

Վրաստանի երիտասարդական հավաքականը խմբային փուլի հանդիպումները կանցկացնի Թբիլիսիի Բորիս Պայճաձեի անվան «Դինամո Արենա»-ում, իսկ եզրափակիչը կհյուրընկալի Բաթումի «Աճառաբեթարենա»-ն։