Politico. Եվրամիությունը ԱՄՆ-ին մեղադրում է Ուկրաինայում շարունակվող պատերազմից ֆինանսական օգուտներ ստանալու մեջ
Եվրամիությունը ԱՄՆ-ին մեղադրում է Ուկրաինայում շարունակվող պատերազմից ֆինանսական օգուտներ ստանալու մեջ։ Այս մասին տեղեկություն է հրապարակում «Politico» հրատարակությունը։
Ինչպես գրում է հրատարակությունը, ԵՄ պաշտոնյան նրանց ասել է, որ «ԱՄՆ-ն ամենաշատ օգուտն է ստանում պատերազմից, քանի որ նա ավելի շատ բնական գազ է վաճառում, և միևնույն ժամանակ ԱՄՆ-ն գումար է ստանում նաև զենքի վաճառքից»։
Ինչպես գրում է «Politico»-ն, Եվրամիությունը հայտարարում է, որ աշխարհն այժմ պատմական փուլում է, քանի որ գնաճի և էներգակիրների բարձր գների պատճառով ԱՄՆ-ի նախաձեռնած պետական սուբսիդավորման ծրագիրը կրկնակի հարված է հասցրել Եվրոպային։
«ԱՄՆ-ը պետք է գիտակցի, որ Եվրամիության շատ երկրներում հասարակական կարծիքը փոխվում է», – հրատարակության հետ զրույցում ասել է ԵՄ պաշտոնյան, ում մեկնաբանությունները անանուն հրապարակել է «Politico»-ն։
ԵՄ արտաքին քաղաքականության գերատեսչության ղեկավարը «Politico»-ին տված հարցազրույցում Վաշինգտոնին կոչ է արել արձագանքել Եվրոպայի մտահոգություններին: