«Politico» հրապարակման համաձայն՝ ԱՄՆ Կոնգրեսը պատրաստվում է ընդունել երկկուսակցական ակտ, որը Ռուսաստանին կճանաչի որպես ահաբեկչության պետական հովանավոր՝ շրջանցելով ԱՄՆ Պետդեպարտամենտը
«Politico» հրապարակման համաձայն՝ ԱՄՆ Կոնգրեսը պատրաստվում է ընդունել երկկուսակցական ակտ, որը Ռուսաստանին կճանաչի որպես ահաբեկչության պետական հովանավոր՝ շրջանցելով ԱՄՆ Պետդեպարտամենտը։ Ինչպես գրում է հրատարակությունը, փաստաթղթի նախաձեռնողը Ներկայացուցիչների պալատի անդամների խումբն է՝ օրենսդիր Թեդ Լյուի գլխավորությամբ։
Ըստ «Politico»-ի, եթե նշված ակտն ընդունվի Կոնգրեսի կողմից և ստորագրվի, դա թույլ կտա ամերիկացի օրենսդիրներին շրջանցել ԱՄՆ պետքարտուղար Էնթոնի Բլինքենի դիմադրությանը, ով կողմ չէ Ռուսաստանը ահաբեկչությանն աջակցող երկրների ցուցակում ներառելուն։
Հրապարակումն ավելի վաղ հայտնել էր, որ, ըստ Բլինկենի, եթե Ռուսաստանը պաշտոնապես ճանաչվի ահաբեկչությանը աջակցող պետություն, ապա ԱՄՆ-ը ստիպված կլինի պատժամիջոցներ կիրառել Ռուսաստանի հետ բիզնես վարող բոլոր երկրների նկատմամբ։ Միևնույն ժամանակ, Բլինկենը կարծում է, որ այս քայլը Վաշինգտոնի և Մոսկվայի միջև նվազագույն դիվանագիտական հարաբերությունների հնարավորություն չի թողնի։
Ներկայում ԱՄՆ-ն ահաբեկչությանը աջակցող երկրների ցանկում ընդգրկում է Հյուսիսային Կորեան, Սիրիան, Կուբան և Իրանը։ Նշված ցուցակում ընդգրկվելու դեպքում ԱՄՆ-ին արգելվում է տնտեսական օգնություն ցուցաբերել Ռուսաստանին, ինչպես նաև արտահանել ռազմապաշտպանական և կրկնակի նշանակության արտադրանք։ Բացի այդ, խստացվելու է ահաբեկչությանն աջակցող երկրների գործընկերների հետ ֆինանսական գործողությունների մոնիտորինգը։
Հիշեցնենք, որ ավելի վաղ ԱՄՆ Սենատը հավանություն էր տվել բանաձեւին, որը կոչ էր անում ԱՄՆ Պետդեպարտամենտին ճանաչել Ռուսաստանը որպես ահաբեկչությանը աջակցող պետություն։
Կրեմլում նշել են, որ եթե Կոնգրեսը ճանաչի Ռուսաստանը որպես ահաբեկչությանն աջակցող պետություն, արդյունքները «շատ բացասական» կլինեն։