Ըստ «Politico» հրատարակության, ամերիկացի պաշտոնյաները կանխատեսում են Իսրայելի և «Հեզբոլլահի» միջև ռազմական գործողությունների հետագա սրում, ինչը կարող է հանգեցնել լայնամասշտաբ պատերազմի։

«Politico»-ի հոդվածում երկու հարցվածներ նշում են, որ Ջո Բայդենի վարչակազմի որոշ անդամներ կարծում են, որ դեէսկալացիան դժվար կլինի Իսրայելի և «Հեզբոլլահի» համար, հատկապես Իսրայելի կողմից Բեյրութի արվարձանները ռմբակոծելուց հետո: Հոդվածի համաձայն, Իսրայելն ԱՄՆ-ին ասել է, որ պատրաստվում է ռազմական ճնշում գործադրել «Հեզբոլլահի» վրա՝ ստիպելու խմբավորմանը համաձայնել դիվանագիտական ​​լուծմանը, որը թույլ կտա իսրայելցիներին վերադառնալ իրենց տները երկրի հյուսիսային հատվածում:

Բայդենի վարչակազմի պաշտոնյաներից մեկը «Politico»-ին ասել է, որ Վաշինգտոնը ակնկալում է Բեյրութի ռմբակոծության հնարավոր շարունակություն և «Հեզբոլլահի» կողմից Իսրայելի դեմ հակահարվածի որոշակի ձև, հնարավոր է՝ անօդաչու սարքերի հարձակումներով:

«Politico»-ն գրում է, որ Իսրայելի ռազմական գործողությունների շրջանակներում ակնկալվում է «Հեզբոլլահի» հրամանատարների սպանությունների շարունակություն։

«Politico»-ն գրում է, որ Սպիտակ տանը դեռ վստահ չեն, թե իրադարձություններն ինչպես կզարգանան։