Վրաստանի պաշտպանության նախարարության վիրավոր և վիրավորված զինվորական թիմը Շոտլանդիայում հաջող մրցելույթից հետո վերադարձել է հայրենիք։ Վրացի զինվորական պարամարզիկները դժվարին տեղանքով երթով նվաճել են երեք ոսկե, մեկ արծաթե և մեկ բրոնզե մեդալ:

Պաշտպանության փոխնախարար Պաատա Պատիաշվիլին շնորհավորել է զինվորականներին հաջող մրցույթի կապակցությամբ և հաջողություն մաղթել նրանց։

Ռազմական պարամարզիկները պետք է հաղթահարեին 88 կիլոմետր տարածությունը 24 ժամում։ Սպորտային մրցույթին վրացիներից բացի մասնակցել են զինծառայողներ, վետերաններ և քաղաքացիական անձինք Մեծ Բրիտանիայից, Ամերիկայից, Ավստրալիայից, Բուլղարիայից, Ֆրանսիայից, Իտալիայից, Լեհաստանից, Իսպանիայից և Ուկրաինայից։

Մարզական միջոցառումը դաշնակից ուժերի հիմնադրամի հովանու ներքո անցկացվել է Պերզիր քաղաքում։ Նմանատիպ միջոցառումները նպատակ ունեն բարձրացնել պարատլետների ինքնագնահատականը և հնարավորություն են տալիս կիսվել փորձով։ Վիրավոր զինվորների խնամքը Վրաստանի պաշտպանության գործակալության առաջնահերթություններից է։ Նախարարությունն աջակցում է նրանց ֆիզիկական և հոգեբանական վերականգնողական գործընթացին, սպորտային գործունեության իրականացմանը, տեղական և միջազգային սպորտային միջոցառումներին ներգրավվածությանը։

Տեղեկությունը տարածում է Վրաստանի պաշտպանության նախարարության մամուլի ծառայությունը։