Վրաստանի պաշտպանության նախարարության ռազմավարական կապերի և հասարակայնության հետ կապերի վարչությունը հայտարարություն է տարածել՝ կապված Գլխավոր տեսչությունում գենդերային խտրականության հնարավոր փաստի հետաքննության հետ։

«Տարածված տեղեկատվության առնչությամբ Վրաստանի պաշտպանության նախարարությունը պարզաբանում է, որ այս տարվա օգոստոսի 24-ին պաշտոնական ստուգում է սկսվել սեռային հիմքով խտրականության փաստով։

Այստեղ բացատրում ենք, որ նշված բողոքը ներկայացրել է աշխատանքային պայմանագրով աշխատող թարգմանիչը, ով հետագայում առանձին ապացույցներ է ներկայացրել և «Սաֆարի» փաստաբանի ներկայությամբ հարցաքննվել:

Փաստի առթիվ Գլխավոր տեսչությունը կատարել է հետագա գործողություններ՝ հարցաքննվել են գործում ներգրավված մի շարք անձինք, ինչպես նաև ենթադրյալ ոտնձգությունների մեջ մեղադրվող անձ, ով նույնպես աշխատանքային պայմանագրով է աշխատում։ Դեռևս ակտիվորեն շարունակվում է հետաքննության, զննության գործընթացը, որը ներառում է բավականին զգույշ և ժամանակատար ընթացակարգեր, սակայն, չնայած դրան, Գլխավոր տեսչությունն ակտիվորեն աշխատում է, որպեսզի մի կողմից հավաքագրվի ամփոփման համար անհրաժեշտ տեղեկատվությունը։

Նշենք, որ Վրաստանի պաշտպանության նախարարությունը հատուկ ուշադրություն է դարձնում առողջ կազմակերպչական մթնոլորտի ստեղծմանը և գենդերային հավասարության սկզբունքների ներդրմանը և ամրապնդմանը, ինչը Վրաստանի եվրաատլանտյան ինտեգրման ճանապարհին կարևոր բաղադրիչներից է»,- ասված է հաղորդագրությունում։