ՊՆ-ի և Հասարակայնության հետ կապերի ինստիտուտի միջև ստորագրվել է հուշագիր
Վրաստանի պաշտպանության նախարարության և Վրաստանի հանրային կապերի ինստիտուտի (GIPA) միջև ստորագրվել է փոխըմբռնման հուշագիր։
Փաստաթուղթը ստորագրել են պաշտպանության փոխնախարար Գրիգոլ Գիորգաձեն և «GIPA»-ի ռեկտոր Մարինե Իոսելիանին։ Փոխըմբռնման հուշագրի նպատակն է պլանավորել համատեղ կրթական ծրագրեր, որոնք կնպաստեն նախարարության աշխատակազմի և ուսանողների մասնագիտական հմտությունների զարգացմանը:
Հուշագրի շրջանակներում, ըստ գերատեսչության առաջնահերթությունների և կարիքների, նախատեսվում է ՊՆ ներկայացուցիչների մասնագիտական վերապատրաստում, նրանց համար գիտահետազոտական հանդիպումների կազմակերպում և ծրագրերում ներգրավում։
Պաշտպանության նախարարությունն իր հերթին ուսանողներին հնարավորություն կտա ստաժավորում և պրակտիկա անցնել կառուցվածքային ստորաբաժանումներում։ Համագործակցության փաստաթղթի հիման վրա նախարարության փորձագետները սեմինարներ կանցկացնեն համալսարանի ուսանողների և ակադեմիական անձնակազմի համար:
Վրաստանի պաշտպանության նախարարությունը արդյունավետ համագործակցում է հանրակրթական հաստատությունների և բարձրագույն ուսումնական հաստատությունների հետ և իրականացնում համատեղ ծրագրեր։
Տեղեկությունը տարածում է ՊՆ մամուլի ծառայությունը։